АнГУда эл аралык конференция

“Энергиянын альтернативдүү булактары жана алардын келечеги. Жарым өткөргүчтүк опто жана наноэлектроника”- деген аталыштагы эл аралык конференция Андижан мамлекеттикуниверситетинде өттү. ЭТФ кафедрасынaн профессору Ы. Ташполотов, кафедра башчысы, доцент М.Ч. Осконбаев, улук окутуучу А. Орозбаева жана ЭТФ кафедрасынын аспирантты Т. Ибраимов илимий конференцияга катышып, профессор Ы. Ташполотов жана доцент М.Ч.Осконбаев пленардык отурумда илимий баяндама жасашты. Профессор Ы.Ташполотов программалык комитетке , ал эми доцент М.Ч. Осконбаев уюштуруу комитетинде мүчө болуп программага киргизишти. Илимий конференция 12-13- октябрда (2023-ж) АнГУда өттү.

Эл аралык конференцияда

2023-жылдын 28-30-сентябрында ЭТФ кафедрасынын профессору Ы. Ташполотов жана кафедра башчысы, доцент М.Ч. Осконбаев Өзбек Республикасындагы Фергана политехникалык институту уюштурган Эл аралык VI-илимий конференцияга катышып, пленардык жыйында баяндамаларды жасап келишти.

Эл аралык илимий-практикалык конференцияда

Өзбек Республикасынын Хорезм областындагы Ургенч шаарында болуп өткөн Эл аралык илимий-практикалык конференция жөнүндө маалымат 2024-жылдын 18-19- декабрь күндөрү Өзбек Республикасынын Хорезм областындагы Ургенч шаарындагы Ургенч технологиялык университетинин базасында “Региондо туруктуу экономикалык өсүштү камсыз кылуунун артыкчылыктуу багыттары” аталышындагы Эл аралык илимий-практикалык конференция болуп өттү. Бул конференцияга Европанын Италия, Испания, Чехия мамлекеттеринен, Турция, Азербайжан жана Кыргыз Республикаларынан окумуштуулар катышты. Конференцияга келип түшкөн илимий макалалар 3 томдук жыйнак түрүндө жарык көрдү. Конференциянын негизги бөлүгү Хива шаарында өткөрүлдү. Кыргыз Республикасынан барган окумуштуулардын арасынан пленардык отурумда куттуктоо сөздү, Ош технологиялык университетинин профессору Жаныбеков Максат баяндаса, пленардык докладды Ош мамлекеттик университетинин профессору Ысламидин Ташполотов жасады. Калган окумуштуулар илимий докладдарын секциялык отурумдарда жасашты. Кыргызстандан барган окумуштуулар университеттин студенттери, магистранттары, окутуучулары ректораттын өкүлдөрү менен жолугушуу өткөрүштү жана алар университеттин өндүрүштүк базасы менен да кеңири таанышып чыгышты. Конференциянын жыйынтыктоочу күнүндө Кыргызстандык окумуштууларга Ургенч технологиялык университетинин ардактуу профессору наамдарын ыйгарышты.