Илимий конференцияда иш сапар.
ЭТФ кафедрасынын башчысы ф.-и-к., доцент М. Ч. Осконбаев 7-8- июнда Б. Сыдыков атындагы эл аралык университетинин Ала-Бука айылындагы колледждин уюштуруучусу педагогика илимдеринин кандидаты, профессор Рыспаева Салийма Абылованын 70 жылдык юбилейине арналган эл аралык илимий- практикалык конференцияга катышып, илимий баяндама жасап, профессорлор Советбек Байгазиев, Сулайман Рысбаев, профессор Тынчтыкбек Чоро тегин, профессор Сайипжамал Сакиева, профессор Чынара Кулуевалар менен билим берүүнүн, окутуунун мектептин жана ЖОЖдун көйгөйлөрү боюнча пикир алмашып, 54 миң эли бар Ала -Бука айылына шаар статусун, колледжге педагогикалык жогорку окуу жай статусун жана ошол педагогикалык окуу жайга профессор Салийма Абылованын атын ыйгаруу сунушталды.
Ферганадагы Эл аралык достук онлайн конференциясы
Ушул жылдын (2020-ж) 13-,14-, ноябрь айында Өзбекстан республикасынын Фергана областында жайгашкан Фергана политехникалык институттунда “Оптическим и фотоэлектрическим явлениям в полупроводниковых микро- и наноструктурах” аталышындагы V Эл аралык конференция болуп өттү. Конференцияга жакынкы жана алыскы чет өлкөлүк окумуштуулар онлайн катышышып, өз илимий тажрыйбаларын бөлүшүү максатында докладтарды жасашты.
Бул аталган конференцияга ОшМУнун физика-техника факультетинин эксперименталдык жана теориялык физика кафедрасынын башчысы, Россия табият таануу илимдер академиясынын академиги, КРдин илимине эмгек сиңирген ишмер, ф.-м.и.д., профессор Байыш Арапов Эл аралык конференциянын пленардык отурумунда доклад жасап илимий жыйынтыктарын баяндады. Андан сырткары, кафедранын мүчөлөрүнөн доцент М.Ч. Осконбаев, аспиранттар А.Садыкбекова, А.Орозбаева катышышып сециялык отурумда докладтарын жасап, сертификаттарды алышты.
