ФТФнын билим майрамы кызыктуу болду.

2014-05-16 10:49:52 189

15-май күнү ректорубуз, профессор К.А.Исаковдун демилгеси менен уюштурулган билим майрамы кызыктуу жана шаңдуу өттү. Билим майрамын физика-техника факультети дагы жакшы даярдыктар менен өткөрдү.ГЭСтердин моделдери, шаардык автоунаалардын тыгындарын азайтуучу моделдер, түрдүү адистиктин ийгилигин, тарыхын чагылдырган стен-баяндамалар, студенттердин колу менен жасалгаланган материалдардан сырткары күндүн энергиясын жылуулук энергиясына айландырып жумуртка бышырган установка, механикалык энергияны электр энергиясына айландырган велогенераторлор бүтүрүүчүлөрдүн өтө кызыгууларын жаратты.Бүтүрүүчүлөрдү жана меймандарды ФТФнын окутуучулары жана студенттери ар бир модел же установлар менен тааныштырып, таркатма материалдарды берип, кесипке багытто иш чарасын жана билим майрамын жакшы өткөрүштү. Билим майрамына Ош шаарынын, жакынкы райондордун бүтүрүүчүлөрүнөн сырткары Кызыл-Кыя шаарындагы №1,№4 жана №6 мектептин окуучулары дагы келип катышып, түштөн кийин көз-карандысыз тест борборунан өз билимдерин сынап, ОшМУнун жетекчилигине ыразыычылыктарын билдиришип, таркап кетишти.