ФТФда илим жумалыгы болуп өттү

2016-04-29 16:09:05 194

Кыргыз республикасынын президентинин указы менен 2016-жыл "Тарых жана маданият жылы" деп жарыяланган. "Тарых жана маданият жылына" карата физика-техника факультетинде 26-апрелден 28-апрелге чейин "Илим жумалыгы" болуп өттү. 26-апрелде ачылышы жана пленардык отурум болуп, "Улуу үркүнгө 100 жыл" деген илимий баяндама менен тарых факультетинин деканы, тарых илимдеринин кандидаты, доцент Садык Акунович Смадияров кызыктуу жана мазмундуу баяндама жасады. "ОшМнун даңктуу музыканттары" деген баяндаманы, КРдин маданиятына эмгек сиңирген ишмер, ОшМУнун профессору Тамара Кадырбаева эжеке жасады. 75 илимий баяндамаларды магистрлер, окутуучулар жана студенттер 5 секцияда жасашты. Студенттердин арасында "Акыл ордо", "Брейн-ринг" таймаштары болуп өттү. Жыйынтыгында жеңүүчүлөр факультеттин дипломдору жана ардак грамоталары менен сыйланышты.