ФТФда жолугушуу

2014-10-18 09:11:35 229

17-октябрь күнү ОшМУнун чоң залында, ОшМУнун 75 жылдык юбилейин утурлап, физика-техника факультетинин студенттери менен сыймыктуу бүтүрүүчүлөрдүн ортосунда жолугушуу болуп өттү. Жолугушууга факультеттин эмгек жамааты менен катар, чаккырылган коноктор: физика-математика илимдеринин кандидаты, профессор, ардактуу эс алуудагы пенсионер Шамши Исмаилов, Өзгөн районунан келген ардактуу эс алуудагы, персоналдык пенсионер, Кыргыз республикасынын билимине эмгек сиңирген ардагер Абдимитилип Бакиров, физика-математика илимдеринин доктору, профессор, Кызыл-Кыя гуманитардык институтунун директору Миталип Муратович Тайиров, ОшТУнун деканы, техника илимдеринин кандидаты, доцент Адылкан Сарымсаков жана Кыргыз өзбек университетинин деканы, техника илимдеринин кандидаты, доцент Гулзат Омурбековалар катышты. Студенттерге кызыктуу маек куруп беришти. Иш чара ЭлТР, ОшТВ жана Үмүт телерадио компаниялары тарабынан чагылдырылды.Тарыхы университет менен тең болгон факультетте эки адистешкен илимий кеңеш иштейт. Алар конденсацияланган заттардын физикасы адистиги боюнча кандидаттык диссертация коргоочу жана энергиянын альтернативдүү булактары адистиги боюнча докторлук диссертация коргоочу илимий кеңештер.